पैशाअभावी किंवा उपचाराअभावी एकाही व्यक्तीचा मृत्यू होता कामा नये.

डॉ. ओमप्रकाश शेटे हे महाराष्ट्र आणि त्यापलीकडेही आरोग्य सेवा क्षेत्र आणि सामाजिक कल्याणासाठी सातत्याने कार्यरत आहेत. त्यांची शैक्षणिक पात्रता बी.ए. (वैद्यनाथ महाविद्यालय, परळी) आणि कृष्णा इन्स्टिट्यूट ऑफ मेडिकल सायन्सेस (कराड) कडून प्रदान करण्यात आलेली मानद डॉक्टरेट 'डी. लिट.' ही आहे. त्यांनी आपले संपूर्ण आयुष्य लोककल्याण आणि गरिबांच्या मोफत वैद्यकीय उपचारांसाठी समर्पित केले आहे.

केंद्र व राज्य शासनाची महत्त्वाकांक्षी योजना म्हणजेच 'पंतप्रधान जन आरोग्य योजना' (आयुष्मान भारत) व राज्य शासनाची 'महात्मा ज्योतिबा फुले जन आरोग्य योजना' यांची एकत्रितपणे प्रभावी अंमलबजावणी करण्याची जबाबदारी ते आयुष्मान भारत मिशन महाराष्ट्र समितीचे अध्यक्ष म्हणून यशस्वीपणे पार पाडत आहेत.